محتاجة رائيكم وعايزة اقتراحتكم

ازيكم يااعضاء المنتدى اللى منورينه
طبعا المنتدى لسة جديد زى ماانتوا عارفين وكل يوم فى تظبيطات واضافات وبنشيل حاجات ونحط حاجات علشان نفسنا نوصل بيه لمستوى كويس يرضى ويعجب كل الناس
وكنت عاملة الموضوع ده علشان اخواتى فى المنتدى يقدمولى اقترحاتهم ورائيهم
محتاجة رائيكم فى المنتدى واقتراحتكم
ايه اللى ممكن نضيفة او ايه اللى محتاج يتشال علشان نعلى المنتدى ونكبره ونوصل بيه لمستوى كويس
مستنية ارائكم ومساعدتكم

اختكم : نور

يسعدني ان اقدم اقتراحي الاول لمنتداي العزيز وهو تغيير اسم "عفريت الفوتوشوب" الى "Graphic Zone" يعني ساحة الجرافيك او "Graphic World"
او "Graphic spot" او "Graphic Art" او "Graphic Corner"
على اساس انه باذن الله ممكن نتوسع في برامج اخرى غير الفوتوشوب وده لما نلاقي حد متخصص مثلا في المكس فنمسكه ركن الماكس عشان يبقى السايت منظم وفعال..
وارجو من كل الاعضاء التصويت على الاسم الجديد وابداء رايهم في اقتراحي Wink

مع خالص حبي

بيتهيألي يا نور ان الاستايل محتاج يتغير لان الالوان دي بتعمي عيني وحياة قلبي و افراحه غيرية بس مش دلوقتي يعني

انا باذن الله هصمم صفحة رئيسية للمنتدى وهارفعه لنور اذا وافقت عليه تشوفه .. بس انت مقلتش ليا رايك في اقتراح تغيير الاسم؟؟؟

شكرا ليكم ياجماعة اوى على ردودكم ومشاركتكم ومستنية مشاركة باقى الناس
هنشوف موضوع تغير الاسم ده ان شاء الله بس لما يبقى فى ناس وناخد رائى الاعضاء بردو
بالنسة للاوان ممكن تتغير مفيش مشكلة
ولا انت تقصد اللاستايل نفسههو جاهز انا مش عملاه وممكن نبقى نععمل غيره كدة كدة انا كنت ناوية ان انشاء الله كل فترة يبقى فى تغير للاستايل من باب التجديد علشان الناس متملش بس بردوا محتاجة رائى الناس يبحبوا التغير ولا خدوا على الشكل

ومستنية الاستايل بتاعك ياانتل ان شاء الله

للقائمين على هذا المنتدى الجميل البسيط السلس

وانا عندي بعض الملاحظات

1- تسجيل الدخول والباس ورد من تحت خالص اسفل الصفحة

أظن انهم لما يكونوا اعلى افضل

2- انا ضد تغيير اسم المنتدى مع احترامي وتقديري لأنتل

لانه في الحقيقة اسم مميز ورائع

3- طبعا فكرة تغيير الاستايل جميلة ورائعة وخاصة مع اللون الارزرق

واللبني او ازرق واسود

4- ممكن نضيف مصحف اعلى الصفحة وبيكون متصفح تفتح اي سورة وتقرا منه وانا شوفت منه في ملتقى الاجيال

5- برضه موضوع العضو المميز والموضوع المميز حلو

تقريبا دي الاقتراحات الحاضرة في زهنى حاليا

لو فيه تاني هبقى اضيف بإذن الله

شكرا يا مشتاق على تفاعلك.. وبالنسبة للاسم انا بس لاني مبحبش العفاريت اقترحت نغير الاسم وانا فكرت في اسماء تانية شايف انها برده مميزة ورائعة .. مستني مزيد من الاراء .. thanks

عادى

وعليكم السلام ورحمة الله وبركاته
فى البداية بشكر كل الى شارك فى الموضوع وشكرا بجد لتعاونكم

اول حاجة يااحمد بالنسبة للبوكس بتاع التسجيل انا طلعته فوق مبقاش خلاص فى اخر المنتدى وممكن نخلى واحد فوق وواحد تحت بس انا خليته فوق بس زى ماطلبت

بالنسبة للاسم انا كمان عجبنى وشيفاه مميز بس فكرة انتل انه يكون اوسع ميبقاش قاصر على الفوتوشوب بس
بس انا بقول نخلى الموضوع ده قدام شوية
وزى ماقولت لو حتى ضفانا اقسام لبرامج جديدة عادى مش الاسم اللى هيجبها فى محركات البحث الكلمات الدلالية هى اللى بتظهر فى محركات البحث
بس ناجل مضووع الاسم ده شوية لحد لما يببقى فى اعضاء واقسام تانى وربنا يعمل اللى فيه الخير

بالنسبة للاستايل زى ماقولت هو جاهز يعنى انا مركبة اتني فى بعض اصلا واحد من منتدى الدعم وشيلت منه حاجات وحطيت حاجات من استايل تانى
انا هحاول اعمل استايل ربنا يسهل بس هياخد وقت شوية منى
مستنية كمان الاستايل بتاع انتل يعرضوا علينا
وياريت اللى يعرف يلاقى اى استايل مميز يجيبة ويعرضه هنا
وربنا يسهل
وان شاء الله زى ماقولت انا كنت ناوية اننا ان شاء الله نبقى نغير باستمرار من باب التجديد يعنى علشان الناس متملش
وفى رمضان كمان ان شاء الله هيتغير الاستايل
وربنا يوفق الجميع

بالنسبة للمصحف مش عارفة انا شايفاه عايز منتدى اسلامى او دينى يعنى كمان هياخد مساحة كبيرة
هى حاجة حلوة طبعا
طيب انا بقول ممكن نحطه بس صوتى ميبقاش ظاهر تبقى سامع الصوت طول ماانت فى المنتدى مثلا او مثلا نحط ادعية كدة بدل مانحط المصحف نفسه وكمان ممكن نحط اذاعة القران الكريم
مستنية رائيك ورائى لاعضاء فى النقطة دى

العضو المميز والموضع المميز ان شاء الله هعملها حاضر كنت هعملها قبل كدة بس كسلت هههه
بس هعملها ان شاء الله دى مش صعبة

شكرا ليك اوى يااحمد بجد لعى مجهودك وفى انتظار باقى اقترحاتك

وشكرا ليك ياانتل وزى ماقولت هنستنى بس شوية بالنسبة لموضوع الاسم ده
وربنا يسهل

زائر

انا بيتهيألي لو المنتدى مش قائم على الفوتوشوب كان هيبقى هايل وكمان عندي اقتراح ممكن تعملى منتدى تاني يبقى تبع دا بس التاني يبقى فية كل حاجة بالاضافة لركن خاص لعفريت الفوتوشوب ودا هيجيب اعضاء كتير وهيبقى لية فايدة كبيرة بحيث ان الاعضاء هنا مش بيدخلوا غير لما يبقوا عاوزين يعرفوا حاجة انما هناك هيدخلو يقرو المواضيع وكدا ولا اية

mtmشكرا ليك لزيارتك وردك
بس المنتدى اللى بيميزه انه متخصص لان المنتديات العامة كتير اوى
كمان هو فى منتدى فعلا تابع لحده وهو منتدى علم بس لسة معلنتش عنه هنا لان فى شوية مشاكل هنا فى المنتدى بتظبط وكمان لان المنتدى التانى لسة مخلصش وبيجهز
شكرا ليك اوى لردك مرورك

مفيش مشاكل بإذن الله

بس لو هتعملى المصحف صوت خليه اختياري

مظنش انه ينفع يبقى اختيارى
هو ممكن ميبقاش المصحف كله يعنى ممكن جزء عم او سوة يس مثلا وممكن كل فترة نغير باذن الله
بس ادعى الصفحة الرائيسية تتظبط
انابعت للشركة ومستنية ردهم عليا
قول يارب

السلام عليكم ورحمة الله وبركاته

الحمد لله اخدت الاجازة يانور وهتلاقي غتاتة رهيبة :lol!:

طيب بخصوص الاسم انا معاكى لو هيتغير يبقى قدام ف حالة ان البرامج التانية تكون فعلا شغاالة ولها جمهور كبير

طيب انا مع تغيير الالوان بشششششششششششششششششششششششششششدة

انا جالى عمى يانور هلبس مكرسكوب ف عينى بعد كدا

ياريت تتغير الالوان ولو الاستايل كمان والله انتى قلبك كبير :بنن1:

بخصوص اقتراح المصحف لمشتاق انا مش عارفة من الناحية الفنية ينفع

ولا لاء بس انا عندى فكرة كويسة جداااااااااا وعن نفسى بعملها

فى اذاعة راديو الشيخ محمد جبريل ممكن اجيبلك لينكها وتحطيه
مجرد ما ندوس عليه نسمع الاذاعة ويكون زى بانر كدا

كمان بوكس الكتابة رهيب يا نور بجد انا بتخنق منه جدا
:جنان11: ومش عارفة اتعامل معاه غير موضوع التنبيهات دى
لو مرة نسيت هلاقى سيل من الميلات جالى شوفيلى حل :خووفف:

امممممم كفاية كدا النهاردة والحمد لله انا قولت اقتراح قبل كدا
واتعمل يعنى انتى مش حرمانى من حاجة
:جوواب2:

انا معاكي يا وردة ف حكاية التصميم وحاليا نور بتعمل تصميم
ويا ام تي ام احنا دلوقت بنعمل منتدى تاني تبع العفاريت بس عام يعني نكت وصور ومقالات واخبار والكلام دا
ويا ريت تشترك لو معندكش مانع

ورد و فل كتب:: السلام عليكم ورحمة الله وبركاته

الحمد لله اخدت الاجازة يانور وهتلاقي غتاتة رهيبة

طيب بخصوص الاسم انا معاكى لو هيتغير يبقى قدام ف حالة ان البرامج التانية تكون فعلا شغاالة ولها جمهور كبير

طيب انا مع تغيير الالوان بشششششششششششششششششششششششششششدة

انا جالى عمى يانور هلبس مكرسكوب ف عينى بعد كدا

ياريت تتغير الالوان ولو الاستايل كمان والله انتى قلبك كبير

بخصوص اقتراح المصحف لمشتاق انا مش عارفة من الناحية الفنية ينفع

ولا لاء بس انا عندى فكرة كويسة جداااااااااا وعن نفسى بعملها

فى اذاعة راديو الشيخ محمد جبريل ممكن اجيبلك لينكها وتحطيه
مجرد ما ندوس عليه نسمع الاذاعة ويكون زى بانر كدا

كمان بوكس الكتابة رهيب يا نور بجد انا بتخنق منه جدا
ومش عارفة اتعامل معاه غير موضوع التنبيهات دى
لو مرة نسيت هلاقى سيل من الميلات جالى شوفيلى حل

امممممم كفاية كدا النهاردة والحمد لله انا قولت اقتراح قبل كدا
واتعمل يعنى انتى مش حرمانى من حاجة

وعليكم السلام ورحمة الله وبركاته
ومبروك انك خدتى الاجازة واحنا مستنيني الغتاتة
ههههههههه
تنورينا ياحبيبتى والله

نشوف بقى الاقترحات

ماشى فى موضوع الاسم متفقين

طيب هاتيلى مكرسكوب معاكى
ان شاء الله فى استايل جديد هينزل انا بجهزة وان شاء الله يعجبكم وهيكون كل حاجة مختلفة باذن الله
وهيتعرض بردو ونتناقش فيه قبل ماننزله ربنا يسهل بس واخلصه شكله مش هخلص هههه

اوك هتيلى اللينك ونشوف المضووع ده
وهو المصحف ينفع بس انا شايفة ان مش هيبقى مناسب اوى مع المنتدى هنا كمان هيتقل الصفحة اكيد

انهى بوكس بالظبط بتاع الموضوع ولاالرد السريع ان شيفاه سهل وعادى بس يمكن انتى لسة مش خدتى عليه
على العموم فى الاخر احب اقولك انى مينفعش اغيره اصلا هههههههه ده هو كدة تبع المنتدى نسخة المنتدى يعنى مينفعش يتغير معلش استحملينا شوية

التنبيهات دى ياحبيبتى انتى اللى بتتحكمى فيها
ادخلى الملف السخصى بتتاعك وهاتى البيانات الشخصية وانزلى تحت شوية هتلاقى التنبيه بالردود والرسايل الغيها انتى
لو ممعرفتيش الغهالك انا مفيش مشكلة
هتلاقى موضوع هنا بردو كان سؤال مش فاكرة لمين هتلاقينى فى رد شارحة المو ضوع ده

ماشى مستنينك بكرة تيجى تكملى بنات

خلاص يانور انا روحت عكيت شوية ف الملف بتاعى يارب اكون

نجحت ف المهمة وظبطت كمان الايموشنات لانها مش بتظهر

ان شاء الله تكون اتظبطت

وانا قصدى بوكس الكتابة الكبير هو فعلا خنيق وانا عارفة

اصلا هى دى طريقة المنتديات المجانية للاسف عادى

طيب خدى بقى لينك الاذاعة اهى ماشاء الله جميلة جدا وهتبقى

خفيفة والفكرة هتنجح ونرضى الكل وناخد الثواب

http://www.jebril.com/radio.html

ماشى ياجميل شكرا ليكى وتسلم ايدك ومعلش بقى بالنسبة لبوكس الكتابة حزن

زائر

لا يا عم انا ماليش في الفوتوشوب انا بدخل علشان اشوف المواضيع اللي ف العام و علشان اتعلم ازاي ابقى مدير لمنتدى هبقى اعمله ان شاء الله و انا ممكن اشترك في المنتدى التاني لما يكمل باذن الله

اهلا بيك فى اى مكان وفى وقت تشرف

زائر

و حلو على فكرة الاب داتينج اللي بتعملوه
والاحلى الاعلان بتاعه فوق
دا
ويا سلام لو تعملو حاجة تانية من نفس الموقع دا
بس في المنتدى التاني ممكن تعملو اذاعة ليكم
وتحطو فيها اغاني او قران
او برامج او مسرحيات وا الحاجات دي
ومستني ردكم عليا

mtm
شكرا اوى لمرورك وردودك وتواجدك فى المنتدى واهتمامك بابداء رائيك اللى اكيد بيفدنا
بالنسبة للاذعة فى ناس طلبت وجدها هنا فى المنتدى وكمان ان شاء الله هتتحط فى المنتدى التانى بردو
بس احنا مستقرناش هنحط ايه هنا بالظبط
بس ان شاء الله هننزل حاجة مع الاستايل الجديد اللى بجهزة
وشكرا ليك مرة كمان

يااااااااااااااااه انا لسه جاي بس انا اقيد اخر الافكار من نحيه عدم تغير الاسم وتغير الاستيال بأستمرار دي حاجا حلوه بس الالوان لازم تثبت عشان نبقي مميزين بيها
فكره تكبير المنتدي لبرامج جرافيك كتير دي هتاخد وقت وعفريت الفوتوشوب اسم مميز جدا والبرنامج ليه ناس كتير اللي بتقعد تدور علي اي داتا ليه ودروس عشان تتعلم ساعات من غير كورسات
وانا شايف ان المنتدي هنا ان اساسه هوا تعليم الناس وافادتهم في الفوتوشوب وبعد كده بقيت البرامج دي جزء اضافي ممكن يتطور ادام شويه

فكره الازاعه اللي تبقي شغاله فوق او مصحف الخ الخ الخ انا بصراحه لا احبذ الفكره دي عشان ساعات بيبقي الواحد مشغل حاجا علي جهازه ويطلع اصوات فجأه انا عن نفسي بقعد ادور في كل اللينكات اللي فاتحها عشان اشوف انهي موقع اللي فاتح الاذاعه دي
اما بالنسبه للقران فالواحد غصب عنه هيخلص شغل ويضطر يقفل المنتدي او النت يفصل او اي حاجا ممكن تخليه يقفل القران فجأه فده لو ينفع اختياري سؤاء القران او الازاعه يبقي كويس
اقترح بقي
وجود ساعه كبيره ووميزه كفوتوشوبيين
ان يبقي فيه فعلن موضوع العضو المميز والموضوع المميز
يبقي فيه مسابقات تنافسيه دي انا شايفها حاجا حلوه موضوع معين ونشوف مين ينزل فيه احسن تصميم طبعا بالفوتوشوب
ونخليها مثلا ليها جوايز معرفش ممكن تكون ايه رفع درجه او بصراحه معرفش ايه الجوايز الممكنه في بعض المنتديات بيعملو حساب رابيد شير وحاجات كده
ونعمل مكان يفتحنا علي المنتدي التاني المكمل للمنتدي ده او ممكن في الركن العام
يعني دي افكاري الموجوده حاليا واي افكار جديده هحاول اقولها برضه

فى البداية شكرا ليك جدا يااحمد على مشاركتك ورائيك
بالنسبة للساعة دى بسيطة ممكن نضيفها هى صحيح هتاخد مكان كبير فى الرئيسية بس ممكن نشوف ساعة متكونش كبيرة اوى يعنى ونحطها تحت او فوق فى النص كدة

موضوع العضو المميز والموضوع المميز ان شاء الله هنزله مع التجديدات والاستايل الجديد

المسابقات والدورات جى دورها ان شاء الله
بس انا كنت عايزة يبقى فى تفاعل اكتر فى المنتدى
وكمان لان مش هيتفع بردو انزل حاجة لوحدى فامستنية شوية نظبط المنتدى الاول وبعدين نشوف بقى ونعلم فريق للدورة والمسسابقات والحاجات دى
كمان ممكن يبقى فى كل اسبوع مثلا مسابقة فى قسم من الاقسام هنا
يعنى الاضافات
التصاميم الدروس
اظن دى حاجة جميلة وهتخلى الناس تشغل دمافها علشان تطلع حاجة حلوة وهتساعد فى الابتكار كمان وتخلينا نتعلم نعمل حاجتنا بنفسنا

بالنسبة لمروضوع الاللوان الثابت اظن مينفعش لان لما الاستايل هيتغير لازم هنغير اللوان علشان تتماشى معاه
كنت بس عايزة اقول ياريت الى عنده استايل او بيعرف يعمل استايل يعمل ويعرضه علينا هنا فى مضوع مستقل علشان نشوف احسن حاجة وننزلها او كل فترة ننزل حاجة

وشكرا ليك جدا جدا بجد

العفو ولا شكر علي واجب بس انا صراحه معرفش الاستيلات دي اساسا بتعمل ازاي ولا منين ليها علاقه بالفوتوشوب ولا دي تبع شغل النت والمنتديات ؟
scratch

لا عادى بتتعمل فوتوشوب عبارة عن صور وبتتركب فى المنتدى بعد كدة
وفى ناس بتعمل البنر مثلا فلاش بس انا مشتغلتش على الفلاش صراحة مش بعرف