ازاي اصمم مناظر طبيعية خلابة بالفوتوشوب

وعليكم السلام ورحمة الله وبركاته
بص يااحمد بالنسبة للمناظر الطبيعية فاانت مهما عملت مش هتبقى طبعا زى المنظر الطبيعى اوى بس ممكن تقرب منه شوية
ممكن زى ماقالت ورد تقطيع صور وتركبها على بعض
ممكن بالفرش بردو
وممكن بالمحاكاه
فى دروس اسمها دروس الرسم والمحاكاه انك بتحاكى الطبيعة او حاجة حقيقة زى مابتلاقى مثلا حد عامل موبيل او كدة انا كنت عالمة اله حاسبة قبل كدة
على العموم تقدر تبقى تشوف الدروس اللى فى قسم الرسم والمحكاه
هتلاقى دروس هتفيدك ان شاء الله فى رسم الطبيعة وانا ان شاء الله هجبلك دروس تانى
هو كان فى درس رسم الرمال وبيتهيئلى فى كمان درس رسم العشب
ادخل الركن وشوف وانا هجبلك دروس تانى ان شاء الله

ودي كمان

هههههههههههههههههههههه لالالا بص يا احمد كتير او من الصور اللي انت حاطتها دي ثقه مني دي مش فوتوشوب
ممكن يبقي عليها تأثيرات بسيطه فوتوشوب انا اصلا كليه عماره والحوارات دي عارفها دي برامج زي الماكس والمايا وحاجات كده متخصصه في رسم الحاجات دي من الصفر بالشكل زي اللي فوق ده
اما بالنسبه لأنك تعمل حاجا طبيعه ممكن بتدخيل كذا صوره مع بعض وتعمل ليهم الماسكات عشان مش تبين الفرق بينهم وتغير طريقه الدمج
كل ده بيخلي انه مش يبان ان قاصص وطبعا فيه برضه الفرش وبعد كده ممكن تلعب في درجات اللون بتاعتها
وحاجا اخيره فيه سيمبلات بتنزل طبيعيه وفي الباتيرنات
ويارب اكون افتدك وفي انتظار اراء اخري

بس علي فكره الاخيره دي فوتشوب ووممكن من الصفر ممكن احاول اعملها ولو عرفت هنزللك ليها درس

هوا بصراحة كل الرسومات المعروضة مكس او مايا ممكن صورةالميةو الكرسي على الميه فوتوشوب على اساس انه مفيش تفاصيل فيهم كتيير بس ده بيبقى صعب جدا بالفوتوشوب في حين انه بالمكس اسهل بكتيير انت بتجيب plane وتطبق عليه موديفير معين وتلعب في عدد الامواج او عدد النقط وبس .. يعني في برامج توصل اسرع وادق وفي برامج توصل بعد عناء .. كل الطرق تؤدي الى دبي .. انا شايف ان الفوتوشوب برنامج جبار في رسم الصور 2D ومهم جدا اتقانه كبداية للي عاوز يتوسع في فن الجرافيك وفي حجات بيعملها مينفعش اي برنامج تاني يعملها..وانا باذن الله هبقى احط دروس عشان لوحب حد ياخد فكرة عنها ..

بجد شكرا لكل اللى اهتم ورد فى الموضوع
وفعلا يااحمد معظم التصاميم اللى زى دى بتبقى مش فوتوشوب
وانا معنديش مانع ندخل برامج تانى مفيش مشكلة خ0الص
بس زى ماقولت لانتل قبل كدة محتاجين متخصصين فى البرامج دى
لانى بصراحة مش بفهم غير فى الفوتوشوب
فلو فى اى حد ممكن يساعدنا فى البرامج التانية مفيش مشكلة هفتحله ركن على طول ويشتغل هو فيه
وياريت اى حد يعرف حد صاحبه او حاجة بيشتغل على برنامج تانى وعنده خبرة شوية فيه
يجيبه ونساعد كلنا بعض

خلاص مفيش مشكلة نعمل ركن عام لبرامج التصميم

فكره جامده صراحه
انا افهم شويه في الثري دي ماكس مجرد خلفيه يعني وعندي حاجات بسيطه ليه بس هحاول اوصل ناس محترفه ان شاء الله يساعدونا كلنا
والاوتوكاد مش منتشر اول لأنه مجرد رسم عادي 2d
دي تقريبا ال 3 برامج من برامج التصاميم اللي بفهم فيها

خلاص كويس بردو انا بقول نغير ركن برنامج الفوتوشوب ونخليه ركن لبرامج الجرافيك عام بقى يبقى فيه كل البرامج
وانا ان شاء الله اقدر اجبلكم برامج

اانا شايف عشان ده منتدي فوتوشوب يبقي خليه زي ما هوا فوتوشوب ونعمل جزء تاني عشان بقيت برامج الجرافيك الكتييييره اللي من الصعب اننا نعرف نلمهم كلهم ده مجرد رأي
واختلاف الرأي لا يفسد في الود قضيه

يعنى نعمل منتدى تانى
بس على فكرة فى مواقع كتير فوتوشوب وبيبقى داخل فيها برامج تانى
وبتيجى بالسيرش متقلقش
لان الاساس هيبقى الفوتوشوب طبعا
والحاجت دى ثانوية
ولا ايه رائيك

لالا مش قصدي انا قصدي نخليه زي ما هوا بس نضيف قسم نسميه عفريت الجرافيك مثلا يبقي فيه برامج جرافيك علي قد ما نقدر والحاجات الخاصه بيها
ورأيك تمام وزي الفل وربنا معاكي ومعانا
ظبطي انتي بس وانا هحاول ادي فيه علي قد ما اقدر برضه

دا طلع موضوع كبير ما تقص الصورة وخلاص

بس طبعا فكرة كويسة ضم برامج تصميم تانية وبكدا يانور هنرجع

لاقتراح تغيير الاسم ويهتحول لمنتىد تصميم شامل وغير مقصور ع الفوتو