انقذوني انا حتجنن

السلام عليكم
ياااااااااااناس ساعدوني،انقذوني انا حتجنن ياخواتي انا بقالي 5 ساعات و انا بحمل في برنامج الفوتوشوب و مابيتحملش بتتحمللي صافحة و لما بافتحها مابتتفتحش و جرب كل المواقع اللي انتو حاطينها و ثانيين كمان و مافيش فايده وانا عاوزه البرنامج ده النهرضه قبل بكره

هنشوف الحوار ده في اسرع ما يمكن ان شاء الله

يااااااااااااااااااريت انا محتاجاه ومش راضي يتحمل!!!!!!!!!!!!

هوا انتي انهي نسخه اللي نزلتيها وعملت معاكي كده ؟؟؟

بصي عمتا يا نسمه انتي ممكن تنزلي اي نسخه تانيه في كتير نزلي اي نسخه تانيه لغايه ما نور تشوف اللينكات بتاعت النسخه اللي فيها المشكله

https://3freetphotoshop.ahlamontada.com/montada-f25/

خلاص شكرا انا لقيت الحل انا كان مافيش عندي لا وينزيب لا ادوب لا اكروبات ريدير عشان كده ماكانش بيشتغل شكرا اوي اوي يا اخي انا خلاص حعتبرك اخويا و كلما احتاج حاجه حبقى ادوشك معايا بقه ميرسي اوي و سامحني على الازعاج على فكره ماسميش نسمة انا اسمي جميلة ده بس لقب

فيه دلوقتي حاجه صغنتوته بس انا لما حملت الفوتوشوب و شغلته جابولي قدامي ورقة باني لازم اكتب serial numbers ولما باقفلها بيتقفل الفوتوشوب اعمل اييييه

الحمد لله يا جميله وعادي مفيش ازعاج ولا يهمك وشرف ليا اني ابقي اخ ليكي وكلنا هنا اخوات ولو في اي حاجا انا في الخدمه
وبالنسبه للسريال نامبر فهتلاقي فولدر موجود اسمه السريال او الكراك وان شاء الله هتلاقي جواه نوته فيها السريال نامبر
او ملف كاي جين صغير كده برضه تاخدي منه السريال نامبر جربي وقوليلي

السلام عليكم
شكرا على الرد و على المجهود و الوقت .بس انا محملة البرنامج من موقع يعني مش حيكونو مدينلي السييرال نمبر و كمان انا مافهمتش اسماء الملفات اللي قلت عليها اصلي و بكل تواضع مابفهمش حاجة في الحاجات ديه يعني لسه حتقل عليك و اسئلك،في الحالة ديه اعمل ايه؟ ده سؤال رقم 1،
2= هوايه الفرق بين الفوتوشوب و الايمدج ريدر؟

بالنسبه لرقم 1 فانتي ممكن تبعتيلي صوره لمحتوي الفولدر بتاع البرنامج يعني تفتحي الفولدر وتدوسي علي زرار في الكايبورد اسمه prt sc .or. print screan
وتدخلي علي برنامج الرسام وتدوسي ctr+v
عشان يحط الصوره وتسيفيها جي بي جي وابعتهالي وانا احاول افهم فين السيريال
وفي حاله اننا ملقنهاوش يبقي لازم تشوفي في المنتدي هنا واحد يكون موجود بالسريال بتاعه او تضوري علي سيرال بس عن طريق السيرش بأسم النسخه اللي معاكي

اما بالنسبه لرقم 2 فانا مش اشتغلت اوي ايميدج ريدي بس اللي اعرفه ان الفرق ان الايمديج ردي بتاع الصور المتحركه اكتر من الفوتوشوب بس الاوامر بتاعتهم متشابهه اوي والله اعلم

انا بعتلك الصورة ياريت تكون واضحة

بصي هو للأسف هنا مفيش اي ملف او حاجا تدعل علي ان فيه سريال نامبر
خاصا انه مكتوب فوق في اسم البرنامج انه تجربه بس try out
بس في حل من الاتنين يا تنزليه من الاول من علي الموقع ويكون معاه السريال بتاعه وهتلاقي كذا نسخه وحديث واقديم ودول افضلهم

https://3freetphotoshop.ahlamontada.com/montada-f25/topic-t75.htm
وهتلاقي شرح التسطيب وكل حاجا وده احسن نسخه بجد واريح واحده
وفي كذا لينك وموقع تنزلي منه لو في واحد مشتغلش ولا حاجا

وده مش وحش برضه https://3freetphotoshop.ahlamontada.com/montada-f25/topic-t77.htm
بس الاول احسنلك طالما لسه مبتدأه


وبالنسبه بقي للحل التاني ده مش مضمون بس ممكن تجربيه الاول ويفيدك انك تنزلي الملف ده هتفكيه هتلاقي سريال نامبر وطريقه تشغيله جربيها ع النسخه اللي عندك وممكن تشتغل وممكن مش تشتغل انتي ونصيبك
وده اللينك http://www.mediafire.com/?n2mj0zyfcqo

ربنا معاكي شوفي بقي ولو فيه حاجا في الخدمه

السلام عليكم
ميرسي اوي انا جربت الحل الثاني و مانفعش و هجرب الاول دلوقتي ياريت يشتغلوا كلهم

معلش بقي وان شاء الله كلهم يشتغلو وممكن تنزلي اي واحد من لينك والتاني من لينك تاني وهكذا....
لغايه ما الاجزاء كلها تنزل وفكيها عادي جدا

ماشتغلش بقه و لا اتفتح بيقولولي مش ممكن يتفتح ابدا
،يمكن لازم امسح الفوتوشوب الاول اللي محملاه؟؟؟؟؟

اه طبعا
امسحي القديم من علي الويندوز وافتحي الجديد واعمل زي ما مكتوب في الشرح بالظبط

انا مسحت الاول زي ماقلتلي و حملت الثاني و مااشتغلش ،زهقت و اكيد زهقتك بس انا عاوزة البرنامج ده

الحقيقة انا مش فاهمة المشكلة بالظبط معلش اصل مشغولة جدا ومش متابعة
بس عايزة اعرف المشكلة انك بتحملى ومش بيتفك ولا بيتفك ومش بيتسطتب ولا مش بيشتغل ولا ياه بالظبط
معلش ياحبيبتى اان اسفة علىا لتاخير بس ظروف والله

مش بيتفك و ديه المشكلة ،لا ياحبيبتي كل واحد و ظروفه انتي معزورة يا حياتي و ليا الشرف انك بتردي عليا انا شفت انك فنانة في الفوتوشوب ياريت تعلميني شوة من خبرتك ياحبيبتي لما تبقي فاضية

ياريت برضه لو توريني صوره عن الخطأ اللي بيقولهولك لما بتفكيه ولو فيه اكتر من حاجا بيطلعها فامشي معاه ووريني كذا صوره يعني

انا الحمدلله الحمد لله خلاص حملت واحد ثاني من هنا يعني في المنتدى و باشتغل بيه اللاه يجازيكم خير تعبتكومعايا سامحوني

الحمد لله وعادي مفيش تعب وربنا معاكي وتعرفي تتعاملي عليه كويس

ياااااه دانا باعرف ليه بشكل ههههههه
مش عارفه حاجة خاااااالص بس بحاول اتعلم و انا عملت اول تصميم ليا و حطيته في المنتدى

فنانة مرة وحدة الله يكرمك
هههههههههه
لا انا على ادى خالص وفى فنانين هنا احسن منى بكتير والله
ويارب ان شاء الله اشوفك احسن فنانة جرافيك فى الدنيا
وانا تحت امرك ياقمر فى اى حاجة حبيتى
عندك كمان فى ركن الاسئلة هنا لو حبيبتى تعملى تصميم معين ومعرفتيش نزلى سؤال وينزلك درس يعملك فى ناس طلبت قبل كدة واتعملها دروس وكلنا بنتعلم والله وبنساعد بعض

ياااااااه على الكرم ده يا حبيبتي اوكي يا ستي انا حعملكو صداع بكثرة اسئلتي و انتي اللي قلتيلي ههه!!!